الأربعاء، 17 يونيو 2009

النادى الاجتماعى












مرت ثوانى..بل دقائق..بل ساعات.................اذن الوقت قد أزف

مركز جدد حياتك.....................الصيفى

يدعوك للانضمام معه حيث

ستجد معنا

الانشطة الثقافية..............الانشطة الدينية.................الانشطة الرياضية...............

الانشطة الاجتماعية

أهداف النادى الاجتماعى::

_اشعار الفرد بدوره تجاه المجتمع عن طريق مشاركته فى البرامج الاجتماعية المتنوعة

_تنمية هوايات الطلاب وابراز مهارتهم الفردية

_تدريب اعضاء المركز على الاخلاص والجدية

_غرس روح التعاون بين أعضاء المركز

_بناء الثقة فى النفس والاعتماد عليها بعد الله عز وجل

يعنى فكرة النادى الاجتماعى هاتقوم على اساس جمع اطفال الاسر ومحاولة التعاون بينهم وبين أعضاء الجمعية للنهوض بمستواهم الفكرى والثقافى والوصول للمستوى اللائق المطلوب

والحمد لله بدأنا التنفيذ من اسبوع مع الاطفال ودى الصور




الجمعة، 5 يونيو 2009

أطفال دار الرحمة مع الاعضاء













انجازات الرحمة(فيديو)

الفيديو الاول

قال فلما خلقت قال لاعز الاسلام

حمل من هنا




الفيديو الثانى






الفيديو الثالث






الخميس، 4 يونيو 2009

انا جمعية الرحمة






أنا بقى جمعية الرحمة كنت عايزة اعرفكم على قصة حياتى هى مش طويلة اوى بس الحمد لله عامرة بالانجازات

الاسم:جمعية الرحمة الخيرية بالمنوفيه

السن:أربع سنوات

محل الاقامة:عندى بيتين اصل انا غنية شوية عقبال عندكم

بيت فى البتانون:فوق سنترال غلاب

وبيت فى شبين:مجمع الكليات بجوار كافيتريا K.M



كانت فكرتى مجموعة من الشباب بدأوا يفكروا يعملوا حاجة تخدم أهلهم وناسهم وقعدوا يفكروا ويفكروا لغاية الحمد لله تم اشهارى برقم 1089 لسنة 2004

رئيس مجلس ادارتى:دكتورة اسلام شبل

وأنا بحبها اوى لانها هى اللى خرجتنى للنور وساعدتنى انى احاول اساعد الناس وادخل السرور على قلوبهم


_بدأت أقدم مساعدات نقدية شهرية للاسر الفقيرة وكفالة الايتام

_بدأت اساعد الايتام فى سداد المصروفات

_بدأت اعمل دفاتر توفير للايتام

_بدأت اعمل شنط رمضان وشنط المدرسة

وبجهز الفتيات للزواج وكمان بعملهم فرح جماعى_

_بقدم قروض حسنة لعمل المشروعات الصغيرة

_بوزع الملابس الجديدة والمستعمله مجانا

_بقدم مساعدات نقدية فى عيد الفطر وكمان العدية

_بقدم لحوم فى عيد الاضحى

_وكمان حلويات فى المولد النبوى

_وكمان بقدم كشف طبى مجانى فى العيادات الخارجية فى جميع التخصصات

_وبوفر الدواء مجانا فى صيدليتى او من صيدليات تانية

_كمان بحتفل بيوم اليتيم وبوفر وجبات واللعب والملابس للاطفال

_وكمان أسست دار الرحمة لرعاية الايتام ذوى الاحتياجات الخاصة

وعندى اطفال زى العسل

أسامة_وائل _محمود_اسلام_خالد_وكمان اسراء



عندى بقى شوية اعضاء لازم اكلمكم عنهم

هما شلة مهندسين ومعاهم طبعا استاذ احمد

وحبة بنات زى العسل ومعاهم طبعا دكتورة اسلام

وانا بحبهم جدا واكيد بحبهم اكتر ما هما بيحبونى

أعضاء شباب وبنات بيحبوا ربنا وأحسبهم على خير وعايزين رضاه وعايزين يتقابلوا على باب الجنة

ونفسهم اوى يشوفوا النبى

ومستعدين يعملوا اى حاجة علشان يساعدوا غيرهم ويدخلوا السرور عليهم

وامنيتهم انهم يكونوا هدفا لنصرة الاسلام والمسلمين

وكمان الشباب دول عملوا فريق عندى فى البيت فى شبين اصلى زى ماقلتلكم ان انا عندى بيتين اسمه

الصحبة الحلوة

والصحبة الحلوة دى بقى انا فرحت بيها اوى وهى فعلا اسم على مسمى

واتفقوا على شوية حاجات يعملوها مع بعض ويحاولوا يغيروا من نفسهم للافضل وياخدوا بإيدين

بعض علشان يتقابلوا ان شاء الله على باب الجنة وفى الفردوس الاعلى

واكيد ساعتها مش هاتنسونى ولا ايه؟؟؟؟؟؟؟؟؟؟

مش هاتنسوا جمعيتكم الرحمة هى اللى جمعتكم مع بعض

بيجوا عندى فى البيت كل يوم سبت ويعملوا اجتماعهم وانا طبعا برحب بيهم على الاخر

ودايما بيخرجوا مع اطفالى ويلعبوا معاهم ودايما بيزوروهم

وان شاء الله قريب هايبدأ الشباب

النادى الاجتماعى

اللى هايجمع كل اطفال الاسر علشان نفيدهم بحاجات كتير اوى فى حياتهم ومستقبلهم

وان شاء الله هادعيلكم ان ربنا يوفقكم وينجح المشروع ده ان شاء الله


ها ياشباب ايه رأيكم فى قصة حياتى؟؟

عايزة بقى كل عضو من اعضائى يدخل يقولى


عرفنى ازاى؟؟؟؟؟؟؟؟؟


ياترى حبتنى ولا لأ؟؟؟؟؟؟؟

ياترى حبيت اعضائى ولا لأ؟؟؟؟؟؟؟

ياترى ممكن تبعد عنى فى يوم من الايام؟؟؟؟؟؟؟؟؟؟

بتتمنى ليا ايه؟؟؟؟؟؟؟؟؟؟





واتمنى ان كل الناس اللى لسه مش معانا ياريت بسرعة ينضموا لينا مستنين ايه؟؟؟؟؟؟؟؟؟؟؟؟؟؟؟؟؟؟

عايزة اشوف وجوه جديدة ان شاء الله فى الاجتماع الجاى وطبعا هارحب بيكم ان شاء الله ماتخافوش



جزاكم الله خيرا جميعا

واتمنى ان ربنا يجعل كل عمل بتعملوه عندى يكون فى ميزان حسناتكم ان شاء الله


الامضاء/جمعية الرحمة